[娛樂] 袁彌明論張茆遇男不淑敢愛無罪

袁彌明贊成張茆企出(o黎) 2008-12-30

【東方日報專訊】與倪震「一咀成名」的城大女學生張茆，自事發後一直避走家鄉靜思，昨日終勇敢站起來，發表一頁紙長的聲明，回應近期被鬧至滿城風雨的緋聞，一眾圈中人對張茆此舉有不同的反應。

袁彌明：我覺得張茆份聲明寫得好好，如果啲blog唔係佢寫就應該企出嚟講，因為畀人屈一定唔好受，仲要係有啲相SM feel，真係好慘，令到個女仔好冇尊嚴（佢應唔應該返香港繼續讀書？）平常心啦！香港人好善忘嘅，如果返嚟而唔再回應件事，做番正常人我覺得ＯＫ喎！

達明：應該報警啦

陳穎妍：畀人冒認寫Blog都幾嚴重，因為呢樣嘢係好代表個人，人人都以為係你自己寫，原來全部都只係假象，我覺得張茆企出嚟回應好勇敢，因為講完就唔使再畀人誤會。

張達明：咁都入侵到（blog）真係難以置信，應該要報警啦！不過呢排喺內地開緊工，都未知去唔去到倪震婚禮，但我諗住送桌球室有關嘅用品畀一對新人。

蕭定一：個聲明寫得幾好吖，不過出得遲咗少少。佢好勇敢去面對件事，最重要係澄清咗啲相片同個blog嘅真假。（未有提及倪震喎？）梗係啦，故意唔同佢個名再扯上關係。（有咩幫到佢？）呢一刻我諗佢對娛樂圈無興趣，之後有需要都可以傾吓。

梁敏儀聞言後表現緊張：「我唔想回應嘞！」